പുഷ്പ ക്രേസ് ഔദ്യോഗികമായി ആരാധകർ ഏറ്റെടുത്തു. അഭിനേതാക്കൾ മുതൽ ക്രിക്കറ്റ് താരങ്ങൾ മുതൽ രാഷ്ട്രീയക്കാർ വരെ എല്ലാവരും ഒരേപോലെ ഏറ്റെടുത്ത ഒരു ട്രെൻഡ് ആയിരുന്നു പുഷ്പ എന്ന അല്ലു അർജുൻ ചിത്രം ഉണ്ടാക്കിയത്. എന്നാൽ അടുത്തിടെ ഹൈദരാബാദിൽ പുഷ്പ സീക്വലിന്റെ ലോഞ്ച് പൂജ ചടങ്ങു നടക്കുമ്പോൾ, പ്രതീക്ഷകൾ വാനോളം ഉയർത്തികൊണ്ട്, സ്റ്റൈലിഷ് സ്റ്റാർ അല്ലു അർജുൻ തന്റെ ഗണേശ വിഗ്രഹത്തിനു ഒരു പുഷ്പ ടച്ച് നൽകിയിരിക്കുകയാണ്.)
കെ‌ജി‌എഫിന്റെ തുടർച്ച തിയേറ്ററുകൾ തൂത്തുവാരിയതോടെ, പാൻ-ഇന്ത്യൻ പ്രേക്ഷകർക്ക് കുറച്ചുകൂടി നല്ല ഒരു ദൃശ്യാനുഭവം സമ്മാനിക്കുന്നതിനായി ചിത്രത്തിൻ്റെ ഷൂട്ടിംഗ് നിർത്തിവയ്ക്കാനും തുടർന്ന് ആവശ്യനായ തിരുത്തലുകൾ ചിത്രത്തിൻ്റെ തിരക്കഥയിൽ വരുത്താനും സംവിധായകൻ സുകുമാർ തീരുമാനിച്ചു. നിർമ്മാതാവായ ഗീത ആർട്‌സ് ഈ രണ്ടാം ഭാഗത്തെ ഉയർന്ന നിർമ്മാണ മൂല്യമുള്ള ഒരു വമ്പൻ എന്റർടെയ്‌നർ ആക്കാനാണ് പദ്ധതിയിടുന്നത്. സിനിമയുടെ അതിരുകൾ കടന്ന് ഒരു ബഹുരാഷ്ട്ര പശ്ചാത്തലം ഉള്ളതായിരിക്കും ചിത്രം, ചിത്രത്തിൽ അല്ലു അർജുനെ എല്ലാ പ്രതിബന്ധങ്ങൾക്കും എതിരായി വെല്ലുവിളികൾ ഉയർത്തുന്ന ഒരു കഥാപശ്ചാത്തലം ഒരുക്കും.
‘പുഷ്പ 2’ ൽ ഫഹദ് ഫാസിൽ ഒരു പ്രധാന കഥാപാത്രത്തെ അവതരിപ്പിക്കും, ചിത്രത്തിലെ അദ്ദേഹത്തിന്റെ ശക്തനായ പോലീസ് കഥാപാത്രം എല്ലാവരെയും അമ്പരപ്പിക്കുമെന്ന് പ്രതീക്ഷിക്കുന്നു. ഈ ആക്ഷൻ ത്രില്ലറിൽ അല്ലു അർജുനും രശ്മികയും വീണ്ടും ഒന്നിക്കുന്നു. പുഷ്പ ശ്രീവല്ലിയെ വിവാഹം ചെയ്യുന്നതിലും ഷെഖാവത് (ഫഹദ്) അപമാനിച്ചതിന് അയാളോട് പ്രതികാരം ചെയ്യുന്നതിലും ആദ്യ ഭാഗം അവസാനിച്ചു. തുടർന്ന് പുഷ്പയുടെ വൈകാരികമായ യാത്രയാണ് തുടർഭാഗം. പുഷ്പ ബോക്സ് ഓഫീസിൽ നേടിയത് 365 കോടിയിലധികമാണ്.
തന്റെ കഥാപാത്രത്തെ കുറിച്ച് ഫഹദ് പറഞ്ഞു, “പുഷ്പയിൽ തൻ്റെ കഥാപാത്രത്തിൻ്റെ ഇൻ്റ്രൊഡക്ഷൻ മാത്രമാണ്, അടുത്ത ഭാഗത്തിൽ ആണ് നിങ്ങൾ അയാളുടെ യഥാർത്ഥ ചിത്രം അനുഭവിക്കാൻ പോകുന്നത്, അയാളെക്കുറിച്ച് നിങ്ങൾ കാണുന്നതെല്ലാം പുതിയതായിരിക്കും, നിങ്ങൾ അവനെ ഉപേക്ഷിച്ചിടത്ത് അവൻ ഇല്ല. അവൻ ഇപ്പോൾ തയ്യാറാണ്, കാത്തിരിക്കൂ!” രസകരമെന്നു പറയട്ടെ, രണ്ടാം ഭാഗത്തിൽ ആയിരുന്നു ഫഹദ് പ്രത്യക്ഷപ്പെടേണ്ടത്, എന്നാൽ സംവിധായകൻ സുകുമാർ അവസാന നിമിഷം അദ്ദേഹത്തെ പരിചയപ്പെടുത്താൻ പദ്ധതിയിട്ടിരുന്നു.
രണ്ടാം ഭാഗത്തിൽ എന്റെ കഥാപാത്രം വരേണ്ടതായിരുന്നു. ഒരു ദിവസം രാവിലെ സുകുമാർ സാർ (സംവിധായകൻ) എന്നെ വിളിച്ച് പറഞ്ഞു, ‘എനിക്ക് ഒരു ടീസർ നൽകണം. ആദ്യം ഒരു സീൻ ചെയ്യാനായിരുന്നു അത് ഒടുവിൽ രണ്ടര സീനുകളായി മാറി. ഞാൻ അങ്ങനെയൊരു കഥാപാത്രം ചെയ്തിട്ടില്ല, ഒരു തകർപ്പൻ കഥാപാത്രം,” അദ്ദേഹം കൂട്ടിച്ചേർത്തു.
