മലയാളത്തിന്റെ യുവതാരം പൃഥ്വിരാജ് സുകുമാരനെ നായകനാക്കി സൂപ്പർ ഹിറ്റ് സംവിധായകൻ ഷാജി കൈലാസ് ഒരുക്കുന്ന ചിത്രമാണ് കടുവ. സിംഹസനം എന്ന ചിത്രത്തിന് ശേഷം ഇരുവരും ഒന്നിക്കുന്ന ചിത്രം കൂടിയാണ് കടുവ. പ്രിത്വിരാജ് പ്രൊഡക്ഷൻസിന്റെയും മാജിക്‌ ഫ്രെയിംസിന്റെയും ബാനറിൽ സുപ്രിയ മേനോനും ലിസ്റ്റിൻ സ്റ്റീഫനും ചേർന്നാണ് ചിത്രം നിർമ്മിച്ചിരിക്കുന്നത്. ജിനു വി എബ്രഹാം ആണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ജെക്‌സ്‌ ബിജോയ്‌ സംഗീതം നിർവഹിക്കുന്ന ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത് സുജിത് വാസുദേവും അഭിനദ് രാമാനുജവും ചേർന്നാണ്. ചിത്രം ഈ മാസം 30 ന് തിയേറ്ററുകളിൽ എത്തും.

മലയാളം, തമിഴ്, തെലുങ്ക്, കന്നഡ, ഹിന്ദി എന്നീ അഞ്ച് ഭാഷകളിൽ പാൻ ഇന്ത്യൻ റിലീസ് ആയാണ് ചിത്രം എത്തുന്നത്. ബോളിവുഡ് താരം വിവേക് ഒബ്രോയ് ആണ് ചിത്രത്തിൽ വില്ലൻ കഥാപാത്രത്തെ അവതരിപ്പിക്കുന്നത്. ലൂസിഫറിന് ശേഷം വിവേക് ഒബ്രോയ് മലയാളത്തിൽ അഭിനയിക്കുന്ന ചിത്രം കൂടിയാണ് കടുവ. സംയുക്ത മേനോൻ നായികയായെത്തുന്ന ചിത്രത്തിൽ കോട്ടയം രമേശ്‌, അർജുൻ അശോകൻ, കലാഭവൻ ഷാജോൺ, ബൈജു സന്തോഷ്‌, ഷാജു നവോദയ, വൃദ്ധി വിശാൽ തുടങ്ങി ഒട്ടേറെ താരങ്ങൾ ചിത്രത്തിൽ അഭിനയിക്കുന്നുണ്ട്.

അഞ്ച് ഭാഷകളിൽ പാൻ ഇന്ത്യൻ റിലീസ് ആയി കടുവ റിലീസ് ചെയ്യുന്നതിലൂടെ ഒരു ഇൻഡസ്ട്രി ഹിറ്റ് തന്നെയാണ് പ്രിത്വിരാജ് ലക്ഷ്യമിടുന്നത്. കെ ജി എഫും ബാഹുബലിയും വിക്രമും ഒക്കെ നേടിയ പോലെ ഒരു വലിയ വിജയം നേടാൻ സാധിക്കിലെങ്കിലും മറ്റ് ഭാഷകൾളിൽ മലയാളത്തിന് മാർക്കറ്റ് ഉണ്ടാക്കി എടുക്കാൻ കടുവക്ക് പാൻ ഇന്ത്യ റിലീസ് വഴി സാധിക്കും എന്ന് ഉറപ്പാണ്. ഇതിന്റെ ഭാഗമായി ചെന്നൈ, ഹൈദരാബാദ്, ബാംഗ്ലൂർ, ദുബായ് എന്നിവിടങ്ങളിൽ കടുവ പ്രൊമോഷൻ പരിപാടികൾ പ്രിത്വിരാജ് സംഘടിപ്പിച്ചിട്ടുണ്ട്.

ജനഗണമനയുടെ വമ്പൻ വിജയത്തിന് ശേഷം വരുന്ന പ്രിത്വിരാജ് ചിത്രം എന്ന അഡ്വാൻടേജ് കൂടി കടുവക്ക് ഉണ്ട്. നെറ്റ്ഫ്ളിക്സ് റിലീസിന് ശേഷം മികച്ച അഭിപ്രായങ്ങൾ ആണ് ജനഗണമനക്ക് മറ്റ് ഭാഷകളിൽ നിന്ന് ലഭിച്ചത്. ഇതും കടുവക്ക് ഗുണം ചെയ്യും. മലയാളത്തിന് പുറമെ മറ്റ് ഭാഷകളിൽ കടുവ ചലനം ഉണ്ടാക്കിയാൽ പ്രിത്വിരാജിന്റെ താര മൂല്യവും ഉയരും. ഇത് വരാനിരിക്കുന്ന പ്രിത്വിരാജ് ചിത്രങ്ങൾക്കും മലയാള ചിത്രങ്ങൾക്കും ഒരുപാട് ഗുണം ചെയ്യും.

കെ ജി എഫിന് ശേഷം പ്രശാന്ത് നീൽ ഒരുക്കുന്ന സലാറിൽ ഒരു പ്രധാന വേഷത്തിൽ പ്രിത്വിരാജ് എത്തുന്നുണ്ട്. സൂപ്പർസ്റ്റാർ പ്രഭാസ് ആണ് ചിത്രത്തിൽ നായകൻ ആയെത്തുന്നത്. ഇത് കൂടാതെ കെ ജി എഫിന്റെ നിർമ്മാതാക്കൾ നിർമിക്കുന്ന അടുത്ത ചിത്രം സംവിധാനം ചെയ്യുന്നത് പ്രിത്വിരാജ് ആണ്. ടൈസൺ എന്ന് പേരിട്ടിരിക്കുന്ന ചിത്രത്തിൽ നായകൻ ആവുന്നതും പ്രിത്വിരാജ് തന്നെ ആണ്. മുരളി ഗോപി തിരക്കഥ ഒരുക്കുന്ന ചിത്രം പാൻ ഇന്ത്യൻ റിലീസ് ആയാണ് ഒരുങ്ങുന്നത്. ബ്ലസി സംവിധാനം ചെയ്യുന്ന ആട് ജീവിതം, ജയൻ നമ്പ്യാരുടെ വിലായത്ത് ബുദ്ധ, കറാച്ചി 81, അയ്യപ്പൻ, കാളിയൻ, കാപ്പ എന്നിങ്ങനെ നിരവധി പ്രതീക്ഷ നൽകുന്ന ചിത്രങ്ങൾ ആണ് പ്രിത്വിരാജ് നായകനായി അണിയറയിൽ ഒരുങ്ങുന്നത്.

Leave a Reply

Your email address will not be published. Required fields are marked *

You May Also Like

വരദരാജ മന്നാർ ആയി പൃഥ്വിരാജ്, ഞെട്ടിച്ചു സലാറിലെ പ്രിത്വിയുടെ ലുക്ക്

മലയാള സിനിമയുടെ രാജകുമാരനാണ് പൃഥ്വിരാജ് സുകുമാരന്‍.നടന്‍, സംവിധായകന്‍, നിര്‍മ്മാതാവ്, ഗായകന്‍ എന്നീ നിലകളില്‍ എല്ലാം തന്നെ…

ബറോസിൽ നിന്ന് പിന്മാറിയതിനുള്ള ശെരിക്കുള്ള കാരണം വെളിപ്പെടുത്തി പ്രിത്വിരാജ്

മലയാളത്തിന്റെ സ്വന്തം നടന വിസ്മയം കംപ്ലീറ്റ് ആക്ടർ മോഹൻലാൽ ആദ്യം ആയി സംവിധായകന്റെ കുപ്പായം അണിയുന്ന…

നടൻ പ്രഭുവിനു നേരെ കേസുനൽകി സഹോദരിമാർ

വിശ്വ വിഖ്യാത നടൻ ശിവാജി ഗണേശന്റെ സ്വത്തിനെ ചൊല്ലി തർക്കം. സ്വത്ത് ഭാഗിച്ചതിൽ ക്രമക്കേടുണ്ടെന്ന് ചൂണ്ടിക്കാട്ടി…

ആ ഓർമ്മകൾ ഉള്ളത് കൊണ്ടാവാം പിന്നീട് ചിത്രങ്ങൾ ചെയ്യാൻ മോഹൻലാൽ അവസരം തന്നിട്ടില്ല ; തുറന്നു പറഞ്ഞു ജയരാജ്‌

മലയാള സിനിമയ്ക്ക് വേണ്ടി നിരവധി സൂപ്പർഹിറ്റ് സിനിമകൾ സമ്മാനിച്ച സംവിധായകനാണ് ജയരാജ്‌. തന്റെ. അനവധി സിനിമകളാണ്…