ഉലക നായകൻ കമൽ ഹാസനെ നായകൻ ആക്കി ലോകേഷ് കനകരാജ് സംവിധാനം ചെയ്ത വിക്രം നിറഞ്ഞ സദസ്സിൽ വിജയകരമായി പ്രദർശനം തുടരുകയാണ്. മാർച്ച് മൂന്നിന് ആണ് ലോകമെമ്പാടുമുള്ള തിയേറ്ററുകളിൽ ചിത്രം റിലീസ് ചെയ്തത്. രാജ് കമൽ ഫിലിംസ് ഇന്റർനാഷണലിന്റെ ബാനറിൽ കമൽ ഹാസൻ തന്നെ ആണ് ചിത്രം നിർമ്മിച്ചിരിക്കുന്നത്. കമൽ ഹാസനെ കൂടാതെ വിജയ് സേതുപതി, ഫഹദ് ഫാസിൽ, കാളിദാസ് ജയറാം, നരെയ്ൻ, അർജുൻ ദാസ്, ശിവാനി നാരായണൻ, ഗായത്രി ശങ്കർ, ഹരീഷ് ഉത്തമൻ, ചെമ്പൻ വിനോദ് ജോസ് തുടങ്ങിയ ഒട്ടേറെ താരങ്ങൾ അഭിനയിച്ചിട്ടുള്ള ചിത്രത്തിൽ നടിപ്പിൻ നായകൻ സൂര്യ അഥിതി വേഷത്തിലും എത്തിയിട്ടുണ്ട്. അനിരുധ് രവിചന്ദ്രർ സംഗീതം നിർവഹിച്ചിരിക്കുന്ന ചിത്രത്തിന്റെ ഛായഗ്രഹണം കൈകാര്യം ചെയ്തിരിക്കുന്നത് ഗിരീഷ് ഗംഗാദരൻ ആണ്. കമൽ ഹാസനും ഉദയനിധി സ്റ്റാലിനും ചേർന്നാണ് ചിത്രം വിതരണത്തിന് എത്തിച്ചത്.

വിക്രത്തിന്റെ വമ്പൻ വിജയത്തിന് ശേഷം കമൽ ഹാസൻ അടുത്തതായി അഭിനയിക്കുന്ന ചിത്രത്തിന്റെ വിവരം പുറത്ത് വന്നിരിക്കുകയാണ്. വിക്രത്തിന്റെ പ്രൊമോഷൻ പരിപാടികളുടെ ഭാഗമായി നടത്തിയ ഇന്റർവ്യൂവിൽ കമൽ ഹാസൻ തന്നെയാണ് ചിത്രത്തെ പറ്റി വെളിപ്പെടുത്തിയത്. തന്റെ അടുത്ത ചിത്രം ഒരു മലയാളി സംവിധായകൻ ആയിരിക്കും സംവിധാനം ചെയ്യുക എന്നും, ടേക്ക് ഓഫ്, സി യൂ സൂൺ, മാലിക് എന്നീ ചിത്രങ്ങൾ സംവിധാനം ചെയ്ത മഹേഷ്‌ നാരായണൻ ആണ് ചിത്രം സംവിധാനം ചെയ്യുക എന്നും കമൽ പറഞ്ഞു. ചിത്രത്തിന്റെ ഷൂട്ടിംഗ് ജൂലൈ മാസം അവസാനത്തോടെ ആരംഭിക്കും എന്നാണ് വിവരം.

ഉലകനായകൻ കമൽ ഹാസൻ തന്നെ ആയിരിക്കും ചിത്രത്തിന് തിരക്കഥ ഒരുക്കുന്നത്. നേരത്തെ താൻ മഹേഷ്‌ നാരായണന് വേണ്ടി ഒരു തിരക്കഥ എഴുതുന്ന കാര്യം കമൽ ഹാസൻ വെളിപ്പെടുത്തിയിരുന്നു. കമൽ ഹാസൻ സംവിധാനം ചെയ്ത വിശ്വരൂപം എന്ന ചിത്രത്തിന്റെ എഡിറ്റർ ആയിരുന്നു മഹേഷ്‌ നാരായണൻ.

Leave a Reply

Your email address will not be published. Required fields are marked *

You May Also Like

മകൾ വിദേശത്ത് പോയതിന്റെ പിന്നാലെ സന്തോഷ വാർത്തയുമായി സായ് കുമാറും ബിന്ദു പണിക്കരും

മലയാളികളുടെ ഇഷ്ട താരമാണ് സായ് കുമാറും നടി ബിന്ദു പണിക്കരും. നായകനും, നായികയായും, വില്ലത്തിയും വില്ലനായും…

നൂറ് കോടി പ്രതിഫലം, ചിത്രമെല്ലാം അമിട്ട് പോലെ പൊട്ടുന്നു, അക്ഷയ് കുമാറിനെതിരെ വിതരണക്കാർ

ബോക്സ്‌ ഓഫീസിൽ വീണ്ടും തകർന്ന് അടിഞ്ഞു അക്ഷയ് കുമാർ ചിത്രം. ഇത്തവണ ബിഗ് ബഡ്ജറ്റ് ചിത്രം…

മെഗാസ്റ്റാർ മമ്മുട്ടിക്കൊപ്പം അഭിനയിക്കാൻ യുവതാരം ആസിഫ് അലി

ഇന്ത്യൻ സിനിമ കണ്ട എക്കാലത്തെയും മികച്ച നടന്മാരിൽ ഒരാളും മലയാള സിനിമയിലെ ഏറ്റവും വലിയ താരങ്ങളിൽ…

മമ്മൂട്ടിച്ചിത്രമായ ഭീഷ്മപർവ്വം തെലുങ്കിലേക്ക് റീമേക്കിന് ഒരുങ്ങുന്നു

മമ്മൂട്ടിയെ നായകനാക്കി അമൽ നീരദ് സംവിധാനം ചെയ്ത ചിത്രമാണ് ഭീഷ്മപർവ്വം.നീണ്ട പതിനഞ്ച് വർഷങ്ങൾക്ക് ശേഷം മമ്മൂട്ടിയും…