ഉലകനായകൻ കമൽ ഹാസനെ നായകനാക്കി ലോകേഷ് കനകരാജ് തിരക്കഥ എഴുതി സംവിധാനം ചെയ്ത് മാർച്ച് മൂന്നിന് ലോകമെമ്പാടുമുള്ള തിയേറ്ററുകളിൽ റിലീസ് ചെയ്ത ചിത്രം ആണ് വിക്രം. രാജ് കമൽ ഫിലിംസ് ഇന്റർനാഷണലിന്റെ ബാനറിൽ കമൽ ഹാസൻ തന്നെ ആണ് ചിത്രം നിർമ്മിച്ചിരിക്കുന്നത്. കമൽ ഹാസനെ കൂടാതെ വിജയ് സേതുപതി, ഫഹദ് ഫാസിൽ, കാളിദാസ് ജയറാം, നരെയ്ൻ, അർജുൻ ദാസ്, ശിവാനി നാരായണൻ, ഗായത്രി ശങ്കർ, ഹരീഷ് ഉത്തമൻ, ചെമ്പൻ വിനോദ് ജോസ് തുടങ്ങിയ ഒട്ടേറെ താരങ്ങൾ അഭിനയിച്ചിട്ടുള്ള ചിത്രത്തിൽ നടിപ്പിൻ നായകൻ സൂര്യ അഥിതി വേഷത്തിലും എത്തിയിട്ടുണ്ട്. അനിരുധ് രവിചന്ദ്രർ സംഗീതം നിർവഹിച്ചിരിക്കുന്ന ചിത്രത്തിന്റെ ഛായഗ്രഹണം കൈകാര്യം ചെയ്തിരിക്കുന്നത് ഗിരീഷ് ഗംഗാദരൻ ആണ്. കമൽ ഹാസനും ഉദയനിധി സ്റ്റാലിനും ചേർന്നാണ് ചിത്രം വിതരണത്തിന് എത്തിക്കുന്നത്.

ലോകേഷിന്റെ തന്നെ സിനിമയായ കൈതിയുടെ കഥാപശ്ചാത്തലം തന്നെയാണ് വിക്രത്തിനും. മയക്കുമരുന്ന് മാഫിയയുടെ കോടികൾ വില വരുന്ന മയക്കുമരുന്നുകൾ പോലീസ് സീസ് ചെയ്യുന്നു. ഇതിനെ തുടർന്ന് മയക്കുമരുന്ന് വേട്ട നടത്തിയ ഉദ്യോഗസ്ഥൻ അടക്കം കുറെ ആളുകൾ കൊല്ലപ്പെടുന്നു. ഈ കൊലപാതകങ്ങൾ അന്വേഷിക്കാൻ അമർ എന്ന ഉദ്യോഗസ്ഥൻ എത്തുന്നതും അന്വേഷണം കമൽഹാസൻ അവതരിപ്പിക്കുന്ന കർണ്ണൻ/വിക്രം എന്ന കഥാപാത്രത്തിലേക്ക് എത്തുന്നതും പിന്നീടുള്ള മാഫിയകളുടെയും പോലീസിൽ ചിലരുടെയും വിക്രത്തിന്റെയും ഗാങ്ങിന്റെയും സംഘർഷങ്ങളും അവർ തമ്മിൽ ഉള്ള പോരും ആണ് വിക്രം പറയുന്നത്.

ഇപ്പോൾ ചിത്രത്തിൽ അഭിനയിച്ച സൂര്യക്ക് നന്ദി അറിയിച്ചിരിക്കുകയാണ് വിക്രം ടീം. താങ്ക്യൂ റോലക്സ് സർ എന്ന് സൂര്യയുടെ ചിത്രം പോസ്റ്റ്‌ ചെയ്താണ് വിക്രം ടീം സൂര്യയോട് ഉള്ള നന്ദി അറിയിച്ചിരിക്കുന്നത്. നേരത്തെ സൂര്യക്ക് സമ്മാനമായി ഉലകനായകൻ കമൽ ഹാസൻ ഒരു റോലക്സ് വാച്ച് നൽകിയിരുന്നു. ഇപ്പോഴും നിറഞ്ഞ സദസ്സിൽ പ്രദർശനം തുടരുന്ന വിക്രം ഇതിനോടകം തന്നെ ആഗോള തലത്തിൽ ഇരുന്നൂറ്റി അൻപത് കോടി രൂപയിലേറെ നേടിക്കഴിഞ്ഞു.

Leave a Reply

Your email address will not be published.

You May Also Like

ബോക്സോഫീസിൽ താളം കണ്ടെത്താനാവാതെ പതറി വിക്രം ദി ഹിറ്റ്ലിസ്റ്റ്

ഉലക നായകൻ കമൽ ഹാസനെ നായകൻ ആക്കി ലോകേഷ് കനകരാജ് തിരക്കഥ എഴുതി സംവിധാനം ചെയ്ത…

ഞാൻ തന്നെ മേക്കപ്പ് ചെയ്തോളാം എന്ന് അദ്ദേഹത്തോട് പറഞ്ഞു 32 ദിവസം കമലഹാസന് മേക്കപ്പ് ചെയ്തു കൊടുത്ത കഥ പറഞ്ഞു ലോകേഷ് കനകരാജ്

കൈതി മാസ്റ്റർ എന്നിങ്ങനെയുള്ള ചിത്രങ്ങൾക്ക് ശേഷം ലോകേഷ് കനകരാജ് എന്ന സംവിധായകനെ അടുത്ത ചിത്രമാണ് വിക്രം.…

സൗന്ദര്യ രഹസ്യം വെളിപ്പെടുത്തി കൊല്ലം തുളസി, സ്വന്തം വിസർജ്യം ഉപയോഗിച്ച മുഖം കഴുകുകയും കുടിക്കുകയും ചെയ്തിട്ടുണ്ട്

മലയാളത്തിലെ മുതിർന്ന സിനിമ താരങ്ങൾക്കിടയിൽ സ്വഭാവ വേഷങ്ങൾ നന്നായി കൈകാര്യം ചെയ്യുന്ന നടന്നാണ് കൊല്ലം തുളസി…

400 കോടി ബഡ്ജറ്റിൽ ഒരു പാൻ വേൾഡ് സംഭവം. എമ്പുരാൻ ഒരുങ്ങുന്നത് ഇങ്ങനെ..

ലോക മലയാളികൾ ആവേശത്തോടെ കാത്തിരിക്കുന്ന അടുത്ത മോഹൻലാൽ ചിത്രമാണ് ലൂസിഫർ എന്ന ചിത്രത്തിന്റെ രണ്ടാം ഭാഗമായ…