റോക്കിങ് സ്റ്റാർ യാഷിനെ നായകനാക്കി പ്രശാന്ത് നീൽ സംവിധാനം ചെയ്ത് ഇന്ത്യ ഒട്ടാകെ തരംഗം ആയി മാറിയ കെജിഎഫ് ചാപ്റ്റർ 1 ഇന്റെ രണ്ടാം ഭാഗം ആണ് കെജിഎഫ് ചാപ്റ്റർ 2. ഹോംമ്പല ഫിലിംസ് ആണ് പാൻ ഇന്ത്യൻ റിലീസ് ആയി ഏപ്രിൽ 14ന് തിയേറ്ററുകളിൽ എത്തിയ ഈ ചിത്രം നിർമ്മിച്ചിട്ടുള്ളത്. ശ്രീനിധി ഷെട്ടി ആണ് ചിത്രത്തിൽ നായികയായെത്തുന്നത്. സഞ്ജയ്‌ ദത്ത് വില്ലനായെത്തുന്ന ചിത്രത്തിൽ രവീണ ടണ്ഡൻ, പ്രകാശ് രാജ്, അച്യുത് കുമാർ, ഗരുഡാ റാം തുടങ്ങിയവരും അഭിനയിച്ചിട്ടുണ്ട്.

ഇപ്പോൾ റെക്കോർഡ് കളക്ഷനുമായി ബോക്സോഫീസിൽ തരംഗം സൃഷ്ടിക്കുകയാണ് കെ ജി എഫ് ചാപ്റ്റർ 2. ചിത്രം ഇതുവരെ ആഗോളതലത്തിൽ നേടിയത് 546 കോടി രൂപയോളം ആണ്. ചിത്രത്തിന്റെ നാല് ദിവസത്തെ കളക്ഷൻ ആണിത്. ചിത്രത്തിന്റെ നിർമ്മാതാക്കൾ ആയ ഹോമ്പാലെ ഫിലിംസ് തങ്ങളുടെ ഒഫീഷ്യൽ പേജ് വഴിയാണ് കളക്ഷൻ ഡീറ്റൈൽസ് പുറത്ത് വിട്ടത്.

ഒരമ്മയുടെ കണ്ണ് നീരിൽ നിന്ന് ഉണ്ടാകുന്ന തീയും ആ തീപ്പൊരി കൊണ്ട് റോക്കി സൃഷ്ട്ടിക്കുന്ന വിസ്മയ കാഴ്ചയാണ് കെ ജി എഫ് ചാപ്റ്റർ 2. നീ എങ്ങനെ ജീവിക്കും എന്ന് എനിക്ക് അറിയണ്ട, എന്നാൽ നീ മരിക്കുമ്പോൾ സമ്പന്നനായ അതി പ്രബലനായ ഒരാളായി മരിക്കണം എന്ന അമ്മക്ക് കൊടുത്ത വാക്ക് പാലിക്കാൻ വേണ്ടി ഏതറ്റം വരെയും പോകുന്ന റോക്കിയുടെ കഥയാണ് കെ ജി എഫ്. മൂന്ന് മണിക്കൂർ അടുത്ത് ദൈർഖ്യം ഉള്ള സിനിമയിൽ ഒരിക്കൽ പോലും കണ്ടിരിക്കുന്നവരെ ബോർ അടിപ്പിക്കാതെ ഉള്ള അവതരണം ആണ് കെ ജി എഫിന്റേത്. റോക്കി ഭായ് ആയെത്തിയ യാഷ് തന്റെ മാനേറിസം കൊണ്ടും സ്വാഗ് കൊണ്ടും ആ കഥാപാത്രത്തെ വളരെ മനോഹരമായി സ്‌ക്രീനിൽ എത്തിച്ചിട്ടുണ്ട്. മറ്റ് കഥാപാത്രങ്ങളെ അവതരിപ്പിച്ച സഞ്ജയ്‌ ദത്ത്, രവീണ ടണ്ടൻ, ശ്രീനിധി ഷെട്ടി തുടങ്ങിയവർ മികച്ച പ്രകടനം ആണ് കാഴ്ച വെച്ചിട്ടുള്ളത്. സ്‌ക്രീനിൽ വന്ന് പോയാവരെല്ലാം പ്രേക്ഷകരുടെ മനസ്സിൽ പതിയുന്ന വിധത്തിൽ ആണ് സംവിധായകൻ സിനിമ ഒരുക്കിയിട്ടുള്ളത്. ക്യാമറ, എഡിറ്റിംഗ്, മ്യൂസിക് അങ്ങനെ ടെക്നിക്കൽ ഡിപ്പാർട്മെന്റ് എല്ലാം വളരെ മികച്ച രീതിയിൽ തന്നെ തങ്ങളുടെ ജോലി ഭംഗിയാക്കിയിട്ടുണ്ട്. ഇന്ത്യൻ സിനിമക്ക് അഭിമാനിക്കാവുന്ന ഒരു സിനിമ തന്നെയാണ് കെ ജി എഫ്. വല്ലപ്പോഴും മാത്രം സംഭവിക്കുന്ന ഒരു പ്രതിഭാസം. തീർച്ചയായും തിയേറ്ററിൽ തന്നെ കാണേണ്ട ചിത്രം.

Leave a Reply

Your email address will not be published. Required fields are marked *

You May Also Like

റെക്കോർഡ് ഡിജിറ്റൽ റൈറ്റ് നേടി നടിപ്പിൻ നായകന്റെ പുതിയ ചിത്രം, ഡിജിറ്റൽ റൈറ്റായി മാത്രം നേടിയത്

തമിഴ് സിനിമയുടെ സ്വന്തം നടിപ്പിൻ നായകൻ സൂര്യയെ നായകൻ ആക്കി ബ്രഹ്‌മാണ്ട സംവിധായകൻ ശിവ സംവിധാനം…

നൂറ് കോടി പ്രതിഫലം, ചിത്രമെല്ലാം അമിട്ട് പോലെ പൊട്ടുന്നു, അക്ഷയ് കുമാറിനെതിരെ വിതരണക്കാർ

ബോക്സ്‌ ഓഫീസിൽ വീണ്ടും തകർന്ന് അടിഞ്ഞു അക്ഷയ് കുമാർ ചിത്രം. ഇത്തവണ ബിഗ് ബഡ്ജറ്റ് ചിത്രം…

ഉണ്ണി മുകുന്ദൻ ചിത്രത്തിൽ വില്ലനായി എത്തുന്നത് ബിഗ് ബോസ്സ് താരം റോബിൻ രാധാകൃഷ്ണൻ…!

ബിഗ് ബോസ് റിയാലിറ്റി ഷോയിൽ കൂടി ജനശ്രദ്ധ നേടിയ താരമാണ് റോബിൻ രാധാകൃഷ്ണൻ. ബി​ഗ് ബോസ്…

മെയ് വഴക്കം അങ്ങിനെ ഇങ്ങനെ ഒന്നും കിട്ടില്ല ചിരു ചേട്ടാ : ഗോഡ് ഫാദറി’ന്റെ ട്രെയിലറിന് മലയാളികളുടെ പ്രതികരണം

തെലുങ്ക് മെഗാ സ്റ്റാര്‍ ചിരഞ്ജീവിയുടെ 67-ാം പിറന്നാള്‍ ദിനത്തിൽ ചിരഞ്ജീവി നായകനാവുന്ന പുതിയ ചിത്രങ്ങളുടെ അപ്‌ഡേറ്റുകള്‍…