ബാഹുബലി സീരിയസ്സിൽ ഒരുങ്ങിയ ചിത്രങ്ങളുടെ വമ്പൻ വിജയത്തിന് ശേഷം ബ്രഹ്മാണ്ട സംവിധായകൻ എസ് എസ് രാജമൗലി സംവിധാനം ചെയ്ത് മാർച്ച്‌ 25നു ലോകമെമ്പാടും ഉള്ള തിയേറ്ററുകളിൽ എത്തിയ ചിത്രമാണ് ആർ ആർ ആർ.

ദൃശ്യവിസ്മയങ്ങളുടെ ഒരു കലവറ തന്നെയാണ് രാജമൗലി ഈ ചിത്രത്തിൽ ഒരുക്കിയിരുക്കുന്നത്. മാസ്സ് രംഗങ്ങൾക്കും വൈകാരിക രംഗങ്ങൾക്കും ഒരുപോലെ പ്രാധാന്യം നൽകിയാണ് ചിത്രം ഒരുക്കിയിട്ടുള്ളത്.

ഓരോ കഥാപാത്രങ്ങളേയും കൃത്യമായി പ്രേക്ഷകർക്ക് പരിചയപ്പെടുത്തിയ ശേഷമാണ് സിനിമ പ്രധാന വിഷയങ്ങളിലേക്ക് കടക്കുന്നത്. ജൂനിയർ എൻടിആറിന്റെയും രാം ചരണിന്റെയും കരിയറിലെ തന്നെ മികച്ച എൻട്രി സീൻ ആണ് ചിത്രത്തിൽ ഉള്ളത്.

രാജമൗലിയുടെ മുൻപ് ഉള്ള ചിത്രങ്ങളിൽ തിരക്കഥ ആയിരുന്നു താരം. ഈ ചിത്രത്തിലേക്ക് വരുമ്പോൾ രണ്ട് സൂപ്പർ താരങ്ങളുടെ ഫാൻസുകാർക്ക് വേണ്ടി തിരക്കഥയിൽ ചെറിയ വിട്ടുവീഴ്ച്ച ചെയ്തിട്ടുണ്ട് രാജമൗലി. ബ്രിട്ടീഷുകാർ തട്ടിക്കൊണ്ട് പോയി തടവിൽ പാർപ്പിച്ച ഗോത്ര വർഗത്തിൽ പെട്ട ഒരു പെൺകുട്ടിയെ രക്ഷിക്കാൻ അഡിലാബാദിൽ നിന്നും ഡൽഹിയിലേക്ക് എന്തും ചെയ്യാൻ തുനിഞ്ഞു വരുന്ന ഭീമും, ഒരു നിഗൂഢമായ ലക്ഷ്യത്തോടെ ബ്രിട്ടീഷ് പോലീസ് ഫോഴ്‌സിൽ ജോലി ചെയ്യുന്ന റാമും ഡൽഹിയിൽ വെച്ച് കണ്ടുമുട്ടുന്നതും പിന്നീട് ഉള്ള അവരുടെ സൗഹൃദവും, പകയും തെറ്റിധാരണയും, പ്രണയവും ഒക്കെയാണ് ഈ ചിത്രം പറയുന്നത്.

ഒരു സാദാ കഥയെ വളരെ മികച്ച രീതിയിൽ പ്രേക്ഷകനെ മടുപ്പിക്കാതെ സ്‌ക്രീനിൽ എത്തിച്ച രാജമൗലി തന്നെയാണ് ഇതിലെ താരം. പ്രധാന കഥാപാത്രങ്ങളെ അവതരിപ്പിച്ച ജൂനിയർ എൻടിആറും രാം ചരണും വളരെ മികച്ച രീതിയിൽ തങ്ങളുടെ കഥാപാത്രങ്ങളെ സ്‌ക്രീനിൽ എത്തിച്ചിട്ടുണ്ട്. മറ്റ് ഉള്ളവർക്ക് അധികം സ്ക്രീൻ സ്പേസ് ഇല്ലായിരുന്നെങ്കിലും അജയ് ദേവ്ഗൺ, ആലിയ ഭട്ട്, റേ സ്റ്റീവ്സൺ, അലിസൺ ഡൂഡി, ഒലിവിയ മോറിസ്സ് തുടങ്ങിയവർ തങ്ങളുടെ റോളുകൾ ഭംഗിയാക്കി.

എം എം കീരവാണി സംഗീതം ഒരുക്കിയിരിക്കുന്ന ചിത്രത്തിന്റെ ഛായഗ്രഹണം കെ കെ സെന്തിൽ കുമാർ, എഡിറ്റിംഗ് ശ്രീകർ പ്രസാദ്, പ്രൊഡക്ഷൻ ഡിസൈൻ സാബു സിറിൽ എന്നിവരാണ് കൈകാര്യം ചെയ്തിരിക്കുന്നത്.

ഇപ്പോൾ രാജമൗലി തന്നെ സംവിധാനം ചെയ്ത ബാഹുബലിയുടെ ആഗോള കളക്ഷൻ മറികടന്നിരിക്കുകയാണ് ആർ ആർ ആർ. ഏകദേശം 650 കോടിയോളം രൂപയാണ് ബാഹുബലിയുടെ ആഗോള കളക്ഷൻ. അതേസമയം ആർ ആർ ആർ റിലീസ് ചെയ്ത ഏഴ് ദിവസത്തിനുള്ളിൽ നേടിയത് 700 കോടിക്ക് മുകളിൽ ആണ്.

Leave a Reply

Your email address will not be published.

You May Also Like

ഹോളിവുഡ് ചിത്രം ബാറ്റ്മാനെയും മലർത്തിയടിച്ച് ഭീഷമരുടെ തേരോട്ടം

മെഗാസ്റ്റാർ മമ്മൂട്ടിയെ നായകനാക്കി ബിഗ് ബി-ക്ക് ശേഷം അമൽ നീരദ് സംവിധാനം ചെയ്ത ചിത്രമാണ് ഭീഷ്മപർവ്വം.…

ചരിത്രം കുറിച്ച് ആർ ആർ ആർ, ആദ്യ ദിന കളക്ഷനിൽ ബാഹുബലി 2നെ മറികടന്നു

ബാഹുബലി സീരിയസ്സിൽ ഒരുങ്ങിയ ചിത്രങ്ങളുടെ വമ്പൻ വിജയത്തിന് ശേഷം ബ്രഹ്മാണ്ട സംവിധായകൻ എസ് എസ് രാജമൗലി…

പുഷ്പയുടെ കളക്ഷൻ റെക്കോർഡുകൾ തകർത്തെറിഞ്ഞ് രാധേ ശ്യാം

പ്രഭാസിനെ നായകനാക്കി രാധ കൃഷ്ണ കുമാർ സംവിധാനം ചെയ്തു മാർച്ച്‌ 11നു തിയേറ്ററുകളിൽ എത്തിയ ചിത്രമാണ്…

3 ദിവസം കൊണ്ട് 100 കോടി ക്ലബ്ബിലേക്ക് ; കുതിപ്പ് തുടർന്ന് ‘തല വിളയാട്ടം’

വര്ഷങ്ങളുടെ കാത്തിരിപ്പിന് ശേഷമാണ് ഇപ്പോൾ ആരാധകരുടെ പ്രിയപ്പെട്ട തലയുടെ ഒരു ചിത്രം തിയ്യേറ്ററുകളിൽ എത്തിയിരിക്കുന്നത്. വിശ്വാസം…