ചിയാൻ വിക്രമിനെ നായകനാക്കി ഗൗതം വാസുദേവ് മേനോൻ സംവിധാനം ചെയ്ത് കഴിഞ്ഞ കുറച്ചു വർഷങ്ങളായി റിലീസിനായി കാത്തിരിക്കുന്ന ചിത്രമാണ് ധ്രുവനച്ചത്തിരം. വർഷങ്ങളുടെ കാത്തിരിപ്പിന് ശേഷം ചിത്രത്തിന്റെ റിലീസ് ഉടനുണ്ടാകുമെന്നാണ് അറിയാൻ കഴിയുന്നത്. ചിത്രത്തിന്റെ ഡബ്ബിങ് വിക്രം ആരംഭിച്ചു എന്നാണ് പുതിയ റിപ്പോർട്ടുകൾ സൂചിപ്പിക്കുന്നത്.

ഋതു വർമ്മ വിക്രത്തിന്റെ നായികയായി എത്തുന്ന ചിത്രത്തിൽ ഇരുവരെയും കൂടാതെ ഐശ്വര്യ രാജേഷ്, സിമ്രാൻ, രാധികസ പാർഥിപൻ, ദിവ്യ പ്രകാശ് എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. ഹാരിസ് ജയരാജ് സംഗീതം നിർവഹിക്കുന്ന ചിത്രത്തിന്റെ ഛായാഗ്രഹണം കൈകാര്യം ചെയ്യുന്നത് ജോമോൻ ടി ജോൺ ആണ്. സ്പൈ ത്രില്ലറായി ഒരുങ്ങുന്ന ചിത്രത്തിന്റെ ഷൂട്ടിംഗ് 2016-ൽ ആരംഭിച്ചതാണ്. ചിത്രത്തിന്റെ ഒരു ടീസർ 2017 ജനുവരി 14ന് റിലീസ് ചെയ്തിരുന്നു. അതിനുശേഷം കഴിഞ്ഞ അഞ്ച് വർഷത്തോളമായി ചിത്രത്തെക്കുറിച്ച് യാതൊരുവിധ അപ്ഡേഷനുകളും ഇല്ലായിരുന്നു.

ഇപ്പോൾ ഗൗതം മേനോനോട് ചിത്രത്തിന്റെ ജോലികൾ വേഗത്തിൽ പൂർത്തിയാക്കി റിലീസ് ചെയ്യാൻ വിക്രം ആവശ്യപ്പെട്ടു എന്നാണ് റിപ്പോർട്ടുകൾ. മെയ് റിലീസായി ധ്രുവനച്ചത്തിരം എത്താൻ സാധ്യതയുണ്ടെന്ന് ടൈംസ് ഓഫ് ഇന്ത്യ റിപ്പോർട്ട് ചെയ്തിരുന്നു. എന്നാൽ അജയ് ജ്ഞാനമുത്തു സംവിധാനം ചെയ്തു ഷൂട്ടിങ് പൂർത്തിയായ കോബ്ര എന്ന ചിത്രം മെയ് 26ന് റിലീസ് ചെയ്യാനാണ് ആലോചന എന്ന് ഈയിടെ സംവിധായകൻ പറഞ്ഞിരുന്നു. അതുകൊണ്ടുതന്നെ, ധ്രുവനച്ചത്തിരം മേയ് റിലീസായി എത്താൻ സാധ്യത കുറവാണ്.

കാർത്തിക് സുബ്ബരാജ് സംവിധാനം ചെയ്ത മഹാനാണ് വിക്രമിന്റേതായി അവസാനം പുറത്തിറങ്ങിയ ചിത്രം. ആമസോൺ പ്രൈം വഴി റിലീസ് ചെയ്ത ചിത്രത്തിൽ വിക്രമിനെ കൂടാതെ ദ്രുവ് വിക്രം, സിമ്രാൻ, ബോബി സിംഹ തുടങ്ങിയവരും അഭിനയിച്ചിരുന്നു. വിക്രം മണിരത്നം കൂട്ടുകെട്ടിൽ ഒരുങ്ങുന്ന ബ്രഹ്മാണ്ഡ ചിത്രം പൊന്നിയൻ സെൽവൻ ഒന്നാം ഭാഗം ഈ സെപ്റ്റംബറിൽ റിലീസ് ചെയ്യുമെന്ന് കഴിഞ്ഞ ദിവസം പ്രൊഡ്യൂസേഴ്സ് ആയ ലൈക പ്രൊഡക്ഷൻസ് അനൗൺസ് ചെയ്തിരുന്നു.

Leave a Reply

Your email address will not be published.

You May Also Like

നിത്യാ മേനോൻ ഇനി തന്റെ പുറകെ വന്നാലും സ്വീകരിക്കില്ല എന്ന് സന്തോഷ്‌ വർക്കി

മോഹൻലാലിനെ നായകനാക്കി ബി ഉണ്ണികൃഷ്ണൻ ഉദയ കൃഷ്ണയുടെ തിരക്കഥയിൽ ഒരുക്കിയ ആറാട്ട് എന്ന ചിത്രത്തിന്റെ റിവ്യൂ…

ഇൻഡസ്ട്രി ഹിറ്റ് ലക്ഷ്യമിട്ട് പ്രിത്വിരാജ്-ഷാജി കൈലാസ് കൂട്ടുകെട്ടിന്റെ കടുവ

മലയാളത്തിന്റെ യുവതാരം പൃഥ്വിരാജ് സുകുമാരനെ നായകനാക്കി സൂപ്പർ ഹിറ്റ് സംവിധായകൻ ഷാജി കൈലാസ് ഒരുക്കുന്ന ചിത്രമാണ്…

അഭിപ്രായ സ്വാതന്ത്ര്യമുള്ളത് പോലെ വസ്ത്രധാരണ സ്വാതന്ത്ര്യമുണ്ടാവണം

സോഷ്യൽ മീഡിയയിൽ നടിമാർ പങ്കുവെക്കുന്ന ഗ്ലാമർ ചിത്രങ്ങൾക്ക് ചില സമയങ്ങളിൽ നെഗറ്റീവ് കമന്റ്‌സാണ് ലഭിക്കാറുള്ളത്. കഴിഞ്ഞ…

തിയേറ്ററുകൾ പൂരപ്പറമ്പാക്കാൻ ജോണി വാക്കർ രണ്ടാം ഭാഗവുമായി മെഗാസ്റ്റാർ എത്തുന്നു, വെളിപ്പെടുത്തി ജയരാജ്‌

മലയാള സിനിമ കണ്ട എക്കാലത്തെയും മികച്ച നടന്മാരിൽ ഒരാളും ഏറ്റവും വലിയ താരങ്ങളിൽ ഒരാളും ആണ്…