ലാൽ നായകനായി എത്തിയ ബംഗ്ലാവിൽ ഔത എന്ന ചിത്രത്തിന്റെ സംവിധായകനും തൊണ്ണൂറുകൾ മുതൽ ഒട്ടേറെ സിനിമകളിൽ സംവിധാനസഹായിയായി പ്രവർത്തിച്ചിട്ടുള്ള ആളുമാണ് ശാന്തിവിള ദിനേശ്. യൂട്യൂബിൽ തന്റെ സിനിമ കഥകൾ പറയുന്ന ഒരു ചാനൽ ഇപ്പോൾ അദ്ദേഹം നടത്തുന്നുണ്ട്. കഴിഞ്ഞദിവസം മലയാളത്തിന്റെ മഹാനടന്മാരായ മമ്മൂട്ടിയെയും മോഹൻലാലിനെയും രൂക്ഷമായി വിമർശിച്ച് ശാന്തിവിള ദിനേശ് രംഗത്തെത്തിയിരുന്നു.

ന്യൂസ് കേരളം എന്ന ഓൺലൈൻ മാധ്യമത്തിന് നൽകിയ ടെലിഫോൺ അഭിമുഖത്തിലാണ് ശാന്തിവിള ദിനേശ് ഇരുവരെയും രൂക്ഷമായി വിമർശിച്ച് രംഗത്തെത്തിയത്.

ശാന്തിവിള ദിനേശിന്റെ വാക്കുകൾ “മമ്മൂട്ടിയും മോഹൻലാലും മാറേണ്ട കാലം കഴിഞ്ഞു, ഇവർ അമിതാബച്ചനെ ഒക്കെ കണ്ടുപഠിക്കണം. എടുത്ത് പൊക്കാൻ വരെ ക്രെയിൻ വേണ്ട ഈ കാലത്ത് ഞാൻ ഇപ്പോഴും കല്യാണം കഴിക്കാത്ത 32 വയസ്സുകാരനായെ അഭിനയിക്കൂ എന്ന് പറയുന്ന മനോഭാവം ഇരുവരും മാറ്റണം. പ്രായത്തിനനുസരിച്ചുള്ള വേഷങ്ങളിലേക്ക് മാറാനോ അച്ഛൻ വേഷങ്ങളിലേക്ക് മാറാനോ ഇവർ തയ്യാറാവണം.

അമരവും വാനപ്രസ്തവും ഒക്കെ കണ്ടിട്ടാണ് ഞാൻ ഇവരെ ഇഷ്ടപ്പെട്ടത്. ഇപ്പോൾ അങ്ങനെ ഒരു സിനിമ ചെയ്യാൻ രണ്ടുപേരും തയ്യാറാകുമോ? അന്നുണ്ടായിരുന്ന മമ്മൂട്ടിയുടെയും മോഹൻലാലിന്റെയും പ്രതിഭയുടെ ഒരു അംശം പോലും ഇപ്പോൾ ഉപയോഗിക്കുന്നില്ല. ജനങ്ങൾ കണ്ടുമടുത്ത പഴകിയ രീതിയായ മുണ്ട് മടക്കി കുത്തലും സ്ലോമോഷൻ നടത്തവും ഒഴിവാക്കാൻ ഇവർ തയ്യാറാകണം. കഴിഞ്ഞ ഇരുപത് കൊല്ലമായി ഇവർ കാണിക്കുന്ന കോപ്രായങ്ങൾ കണ്ട് ജനങ്ങൾ മടുത്തു ഇരിക്കുകയാണ്. അതുകൊണ്ടാണ് തീയേറ്ററിൽ ജനങ്ങൾ കൂവുന്നത്.

ഈ എഴുപത്തിരണ്ടാം വയസ്സിലും അറുപത്തിമൂന്നാം വയസ്സിലും കല്യാണം കഴിക്കാത്ത ക്യാരക്ടർ ചെയ്യാൻ നാണമില്ലേ? റബ്ബർ മരങ്ങൾ വെട്ടാറാകുമ്പോൾ കടുംവെട്ട് വെട്ടാറില്ലേ? അതാണ് ഇരുവരുടെയും കാര്യത്തിൽ ഇപ്പോൾ നടക്കുന്നത്. മോഹൻലാലിന്റെയും മമ്മൂട്ടിയുടെയും കാര്യത്തിൽ മാക്സിമം എത്ര കോടി അടിക്കാം എന്നാണ് ആന്റണി പെരുമ്പാവൂരിന്റെയും ആന്റോ ജോസഫിന്റെയും ചിന്ത.”

ജനങ്ങൾ ഇവരുടെ പ്രായത്തിനു ചേരാത്ത കോപ്രായങ്ങൾ കണ്ടു മടുത്തെന്നും, ഇനിയും മമ്മൂട്ടിയും മോഹൻലാലും സ്വയം മനസിലാക്കി മാറാൻ തയ്യാറായില്ലെങ്കിൽ ഇതുവരെ ഉണ്ടായതിനേക്കാൾ വലിയ പരാജയങ്ങൾ നേരിടേണ്ടി വരും എന്നും ശാന്തിവിള ദിനേശ് പറയുന്നു.

Leave a Reply

Your email address will not be published. Required fields are marked *

You May Also Like

മമ്മൂട്ടി ആപ്പിൾ പോലെ സൗന്ദര്യമുള്ള വ്യക്തി, മേക്കപ്പില്ലാതെ അദ്ദേഹത്തോട് പിടിച്ചു നിൽക്കാൻ കഴിയില്ല

മലയാള സിനിമ കണ്ട എക്കാലത്തെയും മികച്ച നടന്മാരിൽ ഒരാളും ഏറ്റവും വലിയ താരങ്ങളിൽ ഒരാളുമാണ് മെഗാസ്റ്റാർ…

2021ലെ മികച്ച ഇന്ത്യൻ ചിത്രമായി തിരഞ്ഞെടുക്കപ്പെട്ട് മേപ്പടിയാൻ

ഉണ്ണി മുകുന്ദനെ നായകനാക്കി നവാഗതനായ വിഷ്ണു മോഹൻ തിരക്കഥ എഴുതി സംവിധാനം ചെയ്തു 2022 ജനുവരി…

പ്രിത്വിരാജ് ചിത്രത്തിൽ നായകനാകാൻ മെഗാസ്റ്റാർ മമ്മുട്ടി? വില്ലനായി ലാലേട്ടൻ

മലയാള സിനിമ കണ്ട എക്കാലത്തെയും വലിയ വിജയ ചിത്രം ആണ് ലൂസിഫർ. മലയാളത്തിന്റെ കംപ്ലീറ്റ് ആക്ടർ…

ഇതുവരെ മോഹൻലാലിനു പോലും തകര്‍ക്കാന്‍ കഴിയാത്ത മമ്മൂട്ടിയുടെ സൂപ്പർ റെക്കോര്‍ഡ് ഇതാണ്

മലയാള സിനിമയിൽ ഏറ്റവും അധികം ആരാധകരുള്ള നടന്മ്മാരാണ് മോഹൻലാലും മമ്മൂട്ടിയും. ഇവരിൽ ആർക്കാണ് ആരാധകർ കൂടുതൽ…