ഇന്ത്യൻ സിനിമയിലെ ഏറ്റവും മികച്ച സംവിധായകരിൽ ഒരാളാണ് പ്രിയദർശൻ. മലയാളം,തമിഴ്,തെലുങ്ക് കന്നഡ,ഹിന്ദി ഭാഷകളിലായി നൂറോളം ചിത്രങ്ങൾ പ്രിയദർശൻ സംവിധാനം ചെയ്തിട്ടുണ്ട്. ബോളിവുഡിൽ ഏറ്റവും കൂടുതൽ ചിത്രങ്ങൾ സംവിധാനം ചെയ്ത രണ്ടാമത്തെ സംവിധായകനാണ് പ്രിയദർശൻ. മലയാളത്തിൽ ഒട്ടേറെ വിജയ ചിത്രങ്ങളും ഇൻഡസ്ട്രി ഹിറ്റുകളും സമ്മാനിച്ച സംവിധായകൻ കൂടിയാണ് പ്രിയദർശൻ.

പ്രിയദർശൻ സിനിമാ രംഗത്തിനു നൽകിയ സമഗ്ര സംഭാവനക്ക് ആദരസൂചകമായി അദ്ദേഹത്തിന് ഡോക്ടറേറ്റ് നൽകിയിരിക്കുകയാണ് ചെന്നൈയിലെ ഹിന്ദുസ്ഥാൻ ഇൻസ്റ്റ്യൂട്ട് ഓഫ് സയൻസ് ആൻഡ് ടെക്നോളജി. പ്രിയദർശന്റെ മകളായ കല്യാണി പ്രിയദർശൻ ഈ വിവരം ഇൻസ്റ്റഗ്രാം സ്റ്റോറിലൂടെ പങ്കുവെച്ചിരുന്നു. ഇന്ത്യൻ സിനിമയിൽ ഇപ്പോഴും സജീവമായി തുടരുന്ന പ്രിയദർശന്റെ സംവിധാനത്തിൽ പുറത്തിറങ്ങിയ അവസാന ചിത്രം മോഹൻലാൽ നായകനായി എത്തിയ മരയ്ക്കാർ അറബിക്കടലിന്റെ സിംഹം എന്ന ചിത്രമാണ്.

ഈ ചിത്രത്തിന് മൂന്ന് ദേശീയ അവാർഡുകളും മൂന്നു സംസ്ഥാന അവാർഡുകളും ലഭിച്ചിരുന്നു.ആശിർവാദ് സിനിമാസ് ബാനറിൽ ആന്റണി പെരുമ്പാവൂർ നിർമ്മിച്ച ഈ ചിത്രത്തിൽ മോഹൻലാലിനെ കൂടാതെ സുനിൽ ഷെട്ടി, പ്രഭു,പ്രണവ് മോഹൻലാൽ, മഞ്ജുവാര്യർ, നെടുമുടി വേണു, അർജുൻ, അശോക് സെൽവൻ, കല്യാണി പ്രിയദർശൻ, കീർത്തി സുരേഷ്, ഫാസിൽ, ഇന്നസെന്റ്, മാമുക്കോയ, മുകേഷ് തുടങ്ങിയ ഒട്ടേറെ താരങ്ങൾ അഭിനയിച്ചിരുന്നു.

ഇന്ത്യൻ സിനിമയിലെ ഒട്ടുമിക്ക മുൻനിര അഭിനേതാക്കളുടൊപ്പം പ്രവർത്തിച്ചിട്ടുള്ള ആളാണ് പ്രിയദർശൻ. പ്രിയദർശൻ ഏറ്റവും കൂടുതൽ ചിത്രങ്ങൾ ഒരുക്കിയിരിക്കുന്നത് മോഹൻലാലിനെ നായകനാക്കിയാണ്. ഉർവശിയെ നായികയാക്കി ചെയ്യുന്ന തമിഴ് ചിത്രം, രണ്ടു ഹിന്ദി ചിത്രങ്ങൾ, എം ടി വാസുദേവൻ നായരുടെ തിരക്കഥയിൽ നെറ്റ്ഫ്ലിക്സിനായി ഒരുക്കുന്ന ആന്തോളജി ചിത്രം എന്നിവയാണ് പ്രിയദർശന്റെ സംവിധാനത്തിൽ ഇനി പുറത്ത് വരാനിരിക്കുന്ന ചിത്രങ്ങൾ.

Leave a Reply

Your email address will not be published. Required fields are marked *

You May Also Like

സൂപ്പർ ഹിറ്റായി മാറും എന്ന് വിചാരിച്ചിരുന്ന ചിത്രമാണ് ആറാട്ട്, അതുപോലെ തന്നെയാണ് സംഭവിച്ചത്

മലയാളത്തിന്റെ മഹാനടൻ മോഹൻലാലിനെ നായകനാക്കി ഉദയകൃഷ്ണയുടെ തിരക്കഥയിൽ ബി ഉണ്ണികൃഷ്ണൻ സംവിധാനം ചെയ്ത് കഴിഞ്ഞ ഫെബ്രുവരി…

ഓ ടി ടി പ്ലാറ്റ്ഫോമിൽ ഏറ്റവും കൂടുതൽ പേർ കണ്ട മലയാള സിനിമ ഒരു അഡാർ ലവ് എന്ന് ഒമർ ലുലു

സാരംഗ് ജയപ്രകാശ്, ലിജോ പാണാടൻ എന്നിവരുടെ തിരക്കഥയിൽ ഔസേപ്പച്ചൻ മൂവി ഹൗസിന്റെ ബാനറിൽ ഔസേപ്പച്ചൻ വാളക്കുഴി…

ഒരിടവേളക്ക് ശേഷം ഫോട്ടോഷൂട്ടുമായി എസ്തർ അനിൽ, സോഷ്യൽ മീഡിയ ഇളക്കിമറിച്ച് ആരാധകർ

മലയാള സിനിമയിലെ യുവനടിമാരിൽ ശ്രെദ്ധേയയായ ഒരാളാണ് എസ്തർ അനിൽ. ജയസൂര്യ ചിത്രം നല്ലവൻ എന്ന സിനിമയിൽ…

ലോകത്ത് ഒരു നടനും കിട്ടാത്ത അപൂർവ നേട്ടം സ്വന്തമാക്കി യഷ്

കെജിഎഫ് എന്ന ചിത്രത്തിന്റെ രണ്ട് ഭാഗങ്ങൾ വഴി ലോകം മുഴുവൻ ആരാധകരെ ഉണ്ടാക്കി എടുത്ത നടൻ…